网上疯传粉红色 iPhone 6S 谍照纯属虚构？网上疯传粉

近日在大陆网站上突然疯传出一系列粉红色 iPhone 6S 疑似实机照，有齐包装盒、保护膜、包装袋，齐晒件咁样，骤眼睇又确係几迫真。另外仲有几张图由多角度影埋去，见到机身背面为女生梦寐以求嘅金属粉红色，但正面竟然仍然係白色！典解嘅？

经女版主翻查后，发现所谓粉红色 iPhone 6S 实机照早于 3 月已经流出，实为外国网站根据传闻构想出来的渲染图，仲话新色有可能名为「Rose Gold」。至近日 9 月将至，有关 iPhone 6S 开售的传闻满天飞，图片再被大陆网站挖出，一传十、十传百，误传为样版机实照。不过，空穴来风未必无因，上一次 iPhone 5S Apple 就加推大受欢迎嘅土豪金色，今次「S」代再加推粉红色应市一啲都唔出奇，唔好话女生会大叫巧打耳，女版主甚至乎听过有男性朋友都话巧想要。

早前亦有日本传媒爆料指，根据富士康员工嘅行事曆，iPhone 6S 将会于 9 月 9 日发布、9 月 11 日开始预订、9 月 18 日正式开卖，大致时间表同往年差不多。几分真几分假？好快会揭盅！